ჩვენი გუნდი

ლია სარალიძე არის პედიატრი, დაამთავრა თბილისის სახელმწიფო სამედიცინო ინსტიტუტის პედიატრიის ფაკულტეტი. გაიარა კლინიკური ორდინატურა პედიატრიის სამეცნიერო - კვლევით ინსტიტუტში. წლების განმავლობაში მუშაობდა თბილისის პიმენ ყურაშვილის სახელობის ბავშვთა #1 კლინიკურ საავადმყოფოში. არის საქართველოს საზოგადოებრივი ჯანდაცვის ფონდის თანადამფუძნებელი და აღმასრულებელი დირექტორი. (გაიგე მეტი)

მარიამ მასხულია არის საერთაშორისო ურთიერთობათა მაგისტრი, დაამთავრა ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო ურთიერთობების ფაკულტეტი. აქვს ესექსის უნივერსიტეტის მაგისტრის ხარისხი ადამიანის უფლებების თეორიასა და პრაქტიკაში, წარჩინებით დაიცვა სამაგისტრო ნაშრომი თემაზე  „სიღარიბე, განვითარება და საერთაშორისო დახმარება და კოოპერაცია“ გაიარა ინტერნატურა ბავშვის უფლებათა დაცვის საკითხებში Defence for Children - ECPAT the Netherlands -ში. (გაიგე მეტი)

ქეთევან დავითიშვილი არის პედიატრი, დაამთავრა თბილისის სახელმწიფო სამედიცინო ინსტიტუტის პედიატრიის ფაკულტეტი. გაიარა კლინიკური ორდინატურა პედიატრიის სამეცნიერო - კვლევით ინსტიტუტში. წლების განმავლობაში მუშაობდა თბილისის პიმენ ყურაშვილის სახელობის  ბავშვთა #1 კლინიკურ საავადმყოფოში. მიჰყავდა ლექციების კურსი სხვადასხვა სამედიცინო სასწავლებელში ბავშვთა განვითარებასა და მოვლის საკითხებში. (გაიგე მეტი)

დავით ხუჭუა არის პროფესიით ექიმი, დაამთავრა თბილისის სახელმწიფო სამედიცინო უნივერსიტეტი. არის სერტიფიცირებული სოციალური მუშაკი. გაიარა ოქსფორდის პოლიტიკის მართვის ჯგუფის მიერ  ორგანიზებული სასწავლო კურსი ჯანდაცვის მენეჯმენტში. სხვადასხვა პერიოდში მუშაობდა ივანე ბერიტაშვილის სახელობის ფიზიოლოგიის ინსტიტუტში, სასწრაფო დახმარება „არდში“, განათლების სამინისტროსთან არსებულ ბავშვთა სამთო-სათხილამურო სკოლაში და სხვა. (გაიგე მეტი)

ქეთევან მარგალიტაძე არის იურისტი, საოჯახო სამართლის სპეციალისტი. დაამთავრა დავით ბაქრაძის სახელობის სამართლის და ეკონომიკის ინსტიტუტი და მიენიჭა სამართლის სპეციალისტის მაგისტრთან გათანაბრებული ხარისხი. მუშაობდა ახალგაზრდა იურისტთა ასოციაციის იურიდიული დახმარების ცენტრში ადვოკატის თანაშემწედ.  გავლილი აქვს  ამერიკის ადვოკატთა ასოციაციისა და ცენტრალური ევროპის და ევრაზიის სამართლის ინიციატივის მიერ ორგანიზებული უნართა ტრენინგი „ადვოკატი სასამართლო პროცესის წარმოებაში“, გაეროს ბავშვთა ფონდის მიერ ორგანიზებული ტრენინგი „ბავშვთა უფლებების მონიტორინგი“ და სხვა. (გაიგე მეტი)

თათული გიგიტაშვილი არის ფსიქოლოგი, ფსიქოტრავმატოლოგი. მან განათლება მიიღო ილიას სახელმწიფო უნივერსიტეტში და აქვს ბაკალავრის ხარისხი ფსიქოლოგიაში, ხოლო მაგისტრის ხარისხი ფსიქოტრავმატოლოგიაში. ის არის  კარდიფის უნივერსიტეტის მიერ სერტიფიცირებული ტრავმაზე ფოკუსირებული კოგნიტურ-ბიჰევიორალური თერაპევტი და ასევე ევროპის იემდიარ საზოგადოების მიერ სეტრიფიცირებული იემდიარ თერაპევტი.

(გაიგე მეტი)

თამარ ბაბაკიშვილი ფინანსური მენეჯერის თანამდებობაზე საქართველოს საზოგადოებრივი ჯანდაცვის ფონდში 2009 წლიდან მუშაობს. დაამთავრა საერო ინსტიტუტი „გაენათი“ -ის ინგლისური სექტორი, საგარეო ეკონომიკური ურთიერთობების განხრით. სხვადასხვა პერიოდში გავლილი აქვს მოკლე და გრძელვადიანი სასწავლო კურსები საგადასახადო კოდექსის სიახლეებზე, ფინანსური აღრიცხვის საფუძვლებსა და ფინანსების მართვაზე. (გაიგე მეტი)

მარინა კიკალიშვილი საქართველოს საზოგადოებრივი ჯანდაცვის ფონდში მუშაობს 2006 წლიდან და არის ოფისის ასისტენტი. მისი დამსახურებით ორგანიზაციაში შექმნილია მყუდრო და კეთილგანწყობილი გარემო, როგორც თანამშრომლების, ისე სტუმრებისთვის. (გაიგე მეტი)