კლინიკური ფსიქოლოგი, ექსპერტი ინტელექტუალური შეფერხების მქონე ადამიანების მიმართ ძალადობის, სექსუალური ძალადობის და ტრავმის სფეროში ქალბატონი აფკე სხარლო ნიდერლანდებიდან, უძღვება 4 დღიან ტრენინგს თბილისში, რომელიც 2023 წლის 24-27 ოქტომბერს ჩატარდა და იგი მიეძღვნა ისეთ მნიშვნელოვან თემას, როგორიც არის „ძალადობის შემთხვევების შეფასება ინტელექტუალური შეზღუდვის მქონე ბავშვებში და სპეციალიზებული თერაპიული მხარდაჭერა“.

ტრენინგი ორგანიზებული იყო პროექტის „გადავლახოთ ბარიერები – შეზღუდული შესაძლებლობის მქონე ბავშვებისა და ახალგაზრდების დაცვა ძალადობისგან და მათი სოციალური და პროფესიული ინტეგრაციის ხელშეწყობა“ ფარგლებში, რომელსაც ბავშვთა კათოლიკური საერთაშორისო ბიურო – BICE, საქართველოს საზოგადოებრივი ჯანდაცვის ფონდთან და კავშირ „რეასთან“ თანამშრომლობით ახორციელებს.

პროექტის მთავარი მიზანი შეზღუდული შესაძლებლობის მქონე ბავშვების ძალადობისგან დაცვა და მათი სოციალური და პროფესიული ინტეგრაციის ხელშეწყობაა.

პროექტი მხარდაჭერილია საფრანგეთის განვითარების სააგენტოს მიერ.